Luke 3
Johana Mũbatithania Kũhaarĩria Njĩra
1Na rĩrĩ, mwaka wa ikũmi na ĩtano wa ũthamaki wa Tiberio Kaisari, hĩndĩ ĩrĩa Pontio Pilato aarĩ barũthi wa Judea, nake Herode aathanaga Galili, na Filipu mũrũ wa ithe aathanaga Iturea na Tarokoniti, nake Lusania agaathana Abilene, 2hĩndĩ ĩyo Anasi na Kaiafa maarĩ athĩnjĩri-Ngai arĩa anene, ▼▼Anasi aarĩ mũthĩnjĩri-Ngai kuuma mwaka wa ĩtandatũ mbere ya gũciarwo gwa Kristũ. O na gũtuĩka aathani a Roma nĩmamweheririe, Ayahudi nĩmamwĩtĩkĩrĩte. Andũ a Roma nao maathuurire Kaiafa, na nĩ ũndũ ũcio magĩkorwo marĩ athĩnjĩri-Ngai eerĩ.
ũhoro wa Ngai nĩwakinyĩire Johana mũrũ wa Zakaria arĩ werũ-inĩ. 3Nake agĩthiĩ bũrũri wothe ũrĩa warĩ hakuhĩ na Rũũĩ rwa Jorodani, akĩhunjagia atĩ andũ merire nĩguo marekerwo mehia mao nĩgeetha mabatithio. 4O ta ũrĩa kwandĩkĩtwo ibuku-inĩ rĩa mũnabii Isaia atĩrĩ:“Nĩ mũgambo wa mũndũ ũkwanĩrĩra werũ-inĩ, akoiga atĩrĩ,
‘Haarĩriai njĩra ya Mwathani,
rũngariai tũcĩra twake. ▼
▼Tene njĩra nĩciathondekagwo mũthamaki angĩakorirwo agĩthiĩ kũndũ. Johana Mũbatithania ookĩte gũthondeka ngoro cia andũ arĩa meetereire Mũhonokia.
5Mĩkuru yothe nĩĩgathikwo,
nacio irĩma ciothe na tũrĩma nĩikaaraganio.
Njĩra iria njogomu nĩikarũngario,
nacio njĩra iria itarĩ njaraganu nĩikaaraganio.
6 cNao andũ othe nĩmakona ũhonokio wa Ngai.’ ”
7 dAndũ aingĩ nĩmathiire kũrĩ Johana akamabatithie, nake akĩmeera atĩrĩ, “Inyuĩ rũciaro rũrũ rwa nduĩra! Nũũ ũmũtaarĩte mũũrĩre marakara marĩa makiriĩ gũũka? 8 eCiarai maciaro maringaine na kwĩrira. Na mũtikambĩrĩrie kwĩĩra na ngoro cianyu atĩrĩ, ‘Ithe witũ nĩ Iburahĩmu,’ Nĩgũkorwo ngũmwĩra atĩrĩ, Ngai no atũme mahiga maya matuĩke ciana cia Iburahĩmu. 9 fIthanwa nĩrĩigĩtwo itina-inĩ cia mĩtĩ, na mũtĩ o wothe ũtaciaraga maciaro mega ũrĩtemagwo ũgaikio mwaki-inĩ.”
10Nao andũ acio makĩmũũria atĩrĩ, “Tũkĩagĩrĩirwo nĩ gwĩka atĩa?”
11 gNake Johana akĩmacookeria atĩrĩ, “Mũndũ ũrĩa ũrĩ na nguo igĩrĩ nĩagaĩre ũrĩa ũtarĩ, nake ũrĩa ũrĩ na irio nĩeke o ta ũguo.”
12 hNao etia mbeeca cia igooti ▼
▼Mbeeca cia igooti cionganagio nĩ Ayahudi o na gũtuĩka ciarĩ cia thirikari ya Roma. Andũ acio nĩmamenetwo mũno nĩ ũndũ wa gũteithia Aroma.
o nao magĩũka mabatithio, makĩmũũria atĩrĩ, “Mũrutani, twagĩrĩirwo nĩ gwĩkaga atĩa?” 13 jNake akĩmacookeria atĩrĩ, “Mũtigetagie mbeeca makĩria ya ũrĩa mwathĩtwo mwĩtagie.”
14 kNacio thigari ▼
▼Atongoria amwe a Ayahudi o na ciikaro imwe ciao nĩmetĩkĩrĩtio kũgĩa na thigari ciao cia kwĩgitĩra nĩ thirikari ya Roma. Andũ maathũire mĩtugo ya thigari, no ti wĩra wao.
ikĩmũũria atĩrĩ, “Na ithuĩ-rĩ, twagĩrĩirwo nĩ gwĩkaga atĩa?”Nake agĩcicookeria atĩrĩ, “Mũtigatunyage andũ mbeeca na mũtikamaigagĩrĩre igenyo; na ningĩ iganagwoi nĩ mũcaara wanyu.”
15Na rĩrĩ, andũ nĩmaikaraga metereire marĩ na mwĩhoko, na othe magecũũranagia ngoro-inĩ ciao kana hihi Johana ahota gũkorwo nĩwe Kristũ. 16Nowe Johana akĩmacookeria akĩmeera othe atĩrĩ, “Niĩ-rĩ, ndĩmũbatithagia na maaĩ. No nĩ kũrĩ mũndũ ũgũũka ũrĩ na hinya kũngĩra, ũrĩa niĩ itagĩrĩire kuohora ndigi cia iraatũ ciake. We akaamũbatithagia na Roho Mũtheru o na mwaki. 17 mGĩtarũrũ gĩake akĩnyiitĩte na guoko nĩguo atherie kĩhuhĩro gĩake, na acookanĩrĩrie ngano amĩikie ikũmbĩ rĩake, no nĩagacina mahuti na mwaki ũtangĩhoreka.” 18Johana nĩataarire andũ na ciugo nyingĩ na akamahunjagĩria Ũhoro-ũrĩa-Mwega.
19Na rĩrĩ, rĩrĩa Johana aatetirie Herode ũrĩa warĩ mũthamaki tondũ wa kũhikia Herodia, mũtumia wa mũrũ wa ithe na nĩ ũndũ wa maũndũ marĩa mangĩ mothe mooru eekĩte, 20 nHerode nĩongereire ũndũ ũngĩ mũũru makĩria; naguo nĩ wa kũnyiitithia Johana na kũmuohithia njeera.
Kũbatithio na Rũciaro rwa Jesũ
21 oHĩndĩ ĩrĩa andũ othe maarĩkirie kũbatithio, o nake Jesũ nĩabatithirio. Na rĩrĩa aahooyaga, Igũrũ rĩkĩhingũka, 22 pnake Roho Mũtheru agĩikũrũka akĩũmba igũrũ rĩake arĩ na mwĩrĩ wahaanaga ta wa ndutura. Naguo mũgambo ũkiuma Igũrũ ũkiuga atĩrĩ, “Wee nĩwe mũrũ wakwa ũrĩa nyendete; na nĩngenaga mũno nĩwe.”23 qNa rĩrĩ, Jesũ akĩambĩrĩria ũtungata wake aarĩ na ũkũrũ wa mĩaka ta mĩrongo ĩtatũ. Nao andũ meeciiragia atĩ aarĩ mũrũ wa Jusufu,
mũrũ wa Heli, 24mũrũ wa Mathati,
mũrũ wa Lawi, mũrũ wa Meliki,
mũrũ wa Janai, mũrũ wa Jusufu,
25mũrũ wa Matathia, mũrũ wa Amosi,
mũrũ wa Nahumu, mũrũ wa Esili,
mũrũ wa Nagai, 26mũrũ wa Maathi,
mũrũ wa Matathia, mũrũ wa Semeini,
mũrũ wa Joseki, mũrũ wa Joda,
27 rmũrũ wa Joanani, mũrũ wa Resa,
mũrũ wa Zerubabeli, mũrũ wa Shelathieli,
mũrũ wa Neri, 28mũrũ wa Meliki,
mũrũ wa Adi, mũrũ wa Kosamu,
mũrũ wa Elimadami, mũrũ wa Eri,
29mũrũ wa Joshua, mũrũ wa Eliezeri,
mũrũ wa Jorimu, mũrũ wa Mathati,
mũrũ wa Lawi, 30mũrũ wa Simeoni,
mũrũ wa Juda, mũrũ wa Jusufu,
mũrũ wa Jonamu, mũrũ wa Eliakimu,
31 smũrũ wa Melea, mũrũ wa Mena,
mũrũ wa Matatha, mũrũ wa Nathani,
mũrũ wa Daudi, 32mũrũ wa Jesii,
mũrũ wa Obedi, mũrũ wa Boazu,
mũrũ wa Salimoni, mũrũ wa Nahashoni,
33 tmũrũ wa Aminadabu, mũrũ wa Aruni,
mũrũ wa Hezironi, mũrũ wa Perezu,
mũrũ wa Juda, 34 umũrũ wa Jakubu,
mũrũ wa Isaaka, mũrũ wa Iburahĩmu,
mũrũ wa Tera, mũrũ wa Nahoru,
35mũrũ wa Serugu, mũrũ wa Reu,
mũrũ wa Pelegu, mũrũ wa Eberi,
mũrũ wa Shela, 36 vmũrũ wa Kainani,
mũrũ wa Arafakasadi, mũrũ wa Shemu,
mũrũ wa Nuhu, mũrũ wa Lameku,
37 wmũrũ wa Methusela, mũrũ wa Enoku,
mũrũ wa Jaredi, mũrũ wa Mahalaleli,
mũrũ wa Kenani, 38 xmũrũ wa Enoshu,
mũrũ wa Sethi, mũrũ wa Adamu,
mũrũ wa Ngai.
Copyright information for
KikGKY